Şêxê Şehîd

Seyid Feysel Mojtevî/Senendec

Efrin.net02. 06. 2005

Dinya binêre, meselê
Keydan derêxe paxelê
 
Dîsan li qernê goft û gû
Dijmin moseleh xencerê
 
Qesab Beisî derbider
Dû kuştinê roj û şevê
 
Kêra vî pişta me çeqî
dil kirne xwîn eyvax diyê
 
Meişûqê kurdayî dilo
Şêxê Mohemed Xeznevî
 
Xwîna te rengê al û rê
Nabe beqem ne al û rê
 
Şehda gulan nabe dîyar
Ta xwîn li çavê me neyê
 
Rûbarê çavan bikne sed
Xwîna vî nayê şoştinê
 
Hem fikr bû û hem xebat
Hem bû zimanê gotinê
 
Meişûqê kurdayî dilo
Şêxê Mohemed Xeznevî
 
D.r Mohemed Xeznevî
Bû nav kelamê de xefî[1]
 
Ser nekre benda axora
Lev dijmin îro lê xorî[2]
 
Kerkir dilê azadiyê
Em kirne daxa xeznevî
 
Her çend bêhna vê gulê
Nav dar û barê me birî
 
Meişûqê kurdayî dilo
Şêxê Mohemed Xeznevî
 
Ey kurdino em kokekin
Tevr û kolingan naçevin
 
Bêjin bi dijmin narevin
Çolan û deştan nakevin
 
Dê zêde bin dê zêdebin
Baxê me gul dê zêdebin
 
Çon xwîne ava vê rehê
Dê dijminî raket li bin
 
Meişûqê kurdayî dilo
Şêxê Mohemed Xeznevî
 
Seyda bi xwîn û ahi dil
Soran û kurmancin bi dil
 
Sablax[3] û Van û hem Sine[4]
Urmîy û Efrîn bûne şil
 
Derdê rihala[5] şêyx da
Mehzûn û emma kîn bidil
 
Xwînxar dê risva biken
Ta ker li kadîn bibte sil
 
Meişûqê kurdayî dilo
Şêxê Mohemed Xeznevî

[1]  Mexfî,bezir,ev bi gotinê xwe baştir tê naskirin.
[2]  Dijmin li destê vî ture bû û derba xwe lêda.
[3]  Mehabad
[4]  Senendec
[5]  Rihlet ,koca dûvyî
 

Helbest : Tercîhbend
Vezn : Mostefilon Mostefilon
Behr : Recez Morebei Salim