|
DILÊ MIN NEHŞE ÇI DIBE
Zeynel Abîdînefrin.net 02. 05. 2005
Hêy barana ku bi dilopên ter li axê dikeve Li hinarika yarê jî keve Û bibîne, av çawa vêdikeve Piştre ji wî agirî kulmek ji bo min bihîne Ez vedixwim Ez dizanim Li ser singên dildarê jî evîn sar nabe... Dizanim Tî bûyî Û westiyayî Çavên reş yên bi agir Ketin kuncika te Çawa jî Vêdikevî... ***
Dilê min Nehêşe Çi dibe! Qet tiştekî Beyhûde nîn e Çi evîn Çi jî mirin Belkî jî ev e jiyan *** Dilê min Ma tu nehêşî nabe Her roj Her şev Ev agir Têra te ye Bihêle Bila li xwe vegere jiyan Çer hebe Ya ji wê hatî Dîsa diçe wê... *** Dilê min Ji min nepirse Çima Siya Çi kesek Bêdawî nîn e Ji ber ku Roj Ji bo çi kesek Dernakeve Em rêya xwe Vedigerînin Ber bi wê... *** Dilê min Ji min nepirse Çima Di dawiya her rojê de Bê sekan Bê westan Ez Bi hesreta wê Dipelpitim. Ji ber ku Ew jî nizane Roj her sibe Ji bo wê Diwelide... *** Dilê min Nepirse Çima Ez Tenha Tenha Di kolanên vî bajarî de Dema bicemidim jî Alaw Alaw Vêdikevim. Ev bajar Şewatek di dilê min de Ew jî nikare vemirîne... *** Dilê min Nepirse Xediyê Kaînatê Bo çi Ez û ew pêkve Li eynî cîhanê Bi cîh kirin Dilê min Nepirse ku Di tûnebûna wê de Ev cîhan Nikare bibe cîhan... *** Dilê min Nepirse Ew nihêrîna mûhteşem Ya Şahê Merdanî Û ew Xeleka Evrayî Bo çi di milê min de? Dilê min Min bi tenê bihêle Divê bicemidim... *** Dilê min Nepirse Çima Di hindurê her saniyê de Girnijîna wê heye Dilê min Nepirse Çima Di her girnijîna wê de Hezar sal Diherikin... *** Dilê min Nepirse Ew Çi wext Dihê? Dilê min Ber xwe nekeve Ew niha di hindurê te de ye Tu li kû yî Hêy dilê min? |
|