Li Almanya akademisyenên Kurd civiyan
 

Efrin.net 26.07.06

Fadil Ozcelik, Bonn: Navend ji bo Lêkolînên Kurdî (NAVEND) di 22-23ê Tîrmehê de li Almanya bajarê Bonn ji bo giftûgokirina rewşa penaberên Kurd bi zanyarên Kurd re civînek ji raya giştî re girtî li dar xist.
Di civîna ku 25-30 zanyarên ji zanîngehên cûr bi cûr yên Almanya amade bûn, beşdaran di pêvajoya du rojan de di mijarên analîz û rewşa Kurdan li Almanya, di siyaseta hundur û derve de pêwendiyên Kurd û Alman, hêviyên penaberên Kurd ku ji hikûmetên parêzgehan û ya navendî dikin de fikir û ramanên xwe bi hevdu re parve kirin.
Zanyarên Kurd li gel nirxandina siyaseta partiyên Alman û hikûmetên parêzgehan ya di derbarê penaberên Kurd de, hêvî û gumanên Almanya ku ji penaberên Kurd dike jî xistin rojava xwe û li ser gengeşî kirin.
Hêjayî gotinêye ku li NAVENDê gelek grûbên xebatê hene ku yek jê ji wan bi navê Grûba zanyarî û lêkolînê tê naskirin û ji 60-70 zanyar û rewşenbîrên Kurd û Alman pêk tê.
Grûba mijara axaftinê ye ji 2002an û vir de salê bi kêmasî carekê dicive û li ser pirsên giştî û rojane yên gelê Kurd, ku tenê bi dîasporayê nehatiye sînorkirin, li Almanya hevdîtin û giftûgoyan dike.