Pirtûka nû ya Hunermendê Kurd Kamîran Ibrahîm
li Hewlêrê derket
 

Besam Mistefa

Efrin.net 29.06.06

Di roja 25 meha 6an pirtûka diwemîn ya hunermend ê Kurd yê ji Rojavayê Kurdistanê mamoste Kamîran Ibrahîm li Hewlêr ê paytexta Kurdistana Iraqê ya federe, ji layê Instûta Kelepûrê Kurdsitanê ya girêdayî Wezareta Rewşenbîriyê li herêma Kurdistanê , bi navê " Çilawaz " derket .

Pêşgotina pirtûkê ji layê birrêz mamoste Wirya Ehmed –mamostayê Muzikê li Instûta Keleporê Kurdsitanê û hem ji layê Dr. M.E.Zaza –berprisê beşê lêkolîn û xwendinan li Instûta navbirî ve hatiye nivîsandin . " Çilawaz " 40 stranên kurdî yên resen û filkilorî û millî bi xwe digire .Bi taybetî yên van herêman Eynkafê – Bişêriyê – Xerzan – Elikan – Serhedan û Cizîra Botanê . Ev in hinek stranên pirtûkê : Werin Dîlanê Esmer , Keleşo , Ez Xelef im , Zeynokê , Lê Nûrê , Leylê , Lo Şivano , NarêCan , Şemamê . Stran tevlû notên xwe yên ku ji alyê nûser K.Ibrahîm ve hatine çêkirin cihê xwe di pirtûkê de digirn , tev li gotinên stranan yên ku bi zaravê Kurmancî û bi herdû tîpên Erebî û Latînî ne .

Hêjayî gotinê ye ku hunermend Kamîran Ibrahîm di sala 2003an de , pirtûktk bi navê " Awazên Keskesorê" derxistibû .

Hunermend Kamîran Ibrahîm kî ye ?
* Hunermend Kamîran Ibrahîm li gundê Letîfiyê nêzîkî bajarê Qamişlo li Kurdistana Sûriyê, sala 1965an ji dayik bûye .
* Sala 1980 dest bi jenîn û goranîgotin kiriye .
* Sala 1987an bawernama amadeyî ya beşê zanistî li Sûriyê wergirtiye .
* Koma muzikê ya " Senabil" sala 1988an damizrandiye , ku beşdarî çendîn boneyên niştimanî û netewî kiriye .
* Sala 1990î koma "Buhar" ya muzikî damizrandiye .
* Serperiştê rahênanên koma- Xelat- ya Filiklorê Kurdî bû , û bi sedan ahengî millî û festîvalên niştimanî û netewî beşdar bû li Qamişlo û Heleb û Lubnanê .
* Li Bingeha hunerî muzîkî ser bi xwendinî taybetî wezaretî perwerdeyê li Sûriyê ji layê Dr. M.E . Zaza, li Qamişlo xwendiye û sala 2001 tewaw kiriye .
* Wek mamostayê amîrê buzq , tenbûr û baxleme li Bingeha hunerî muzîkî ta sala 2004an kar kiriye .
* Kitêba wî ya yekem " Awazên Keskesorê" ji stranên Se'îd Yûsiv li Bingeha hunerî li Qamişlo sala 2003an derçû .
* Li Festîvala Muzîka Millî ya Silêmaniyê –Kurdistana Iraqê sala 2005an beşdarî kiriye û tê de xelata rêzlênan wergirtiye wekû jenyarekî amîrî buzq .
* Niha çavdêriya koma muzîkî ya Kombenda Kawa bo Çanda Kurdî li Hewlêrê dike .
* Herweha serperiştiya rahênanên zanîngeha Selahedînê dike .
* Niha li beşê muzîkê kolîca Hunerên Ciwan li zanîngeha Selahedênê Dixwîne .