Azad Berwarî: Hemû daxwaz û Mafên me di destûrê de bi cih bûn
 

PNA- Efrin.net 24. 08. 2005

Duhî bi amadebûna birêz Celal Talebanî serok komarê Îraqê û birêz Mesûd Barzanî serkê Kurdistanê û semahetê Ebdulezîz el- Hekîm serokê Firaksyonê Îtilafê Îraqê ya yekbûyî û serokê wezîrên Îraqê û balyozê Amerîka li Îraqê, civîneke bilind di navbera herdu lîstên hevpeymana Kurdistanê û Îtîlafa Îraqê ya yekbûyî encam da û di vê civînê de li ser wan xlên ku nehatine çareserkirin bo amadekirina reşbeleka destûrê rêkeftin.
Di vê warî de birêz Azad Berwarî endamê şanda bilind ya Kurd bo guftûgoyên nivîsandina destûrê di axaftinekê de bo kenalê esmanî ya Kurdistanê got: Ez dkarim bibêjim du civîn dirêj bi rûve çûn, yekem li gel lîsta Îtîlafê, dikarim bê guman bêjim ku 98% î destûr temam bû, yek du kêşe hunerî man li gel çend xalên biçûk, ku komîta dariştina reşbeleka destûrê çareser dike, û di bawerîya min da be di wê civînê de hemû tişt j hev bi derdikeve, ez dilxweşim ku civîn hemû ji alîyê Kurdan de brêve diçe û bo çend car îsbat dibe ku Kurd xalê bihevgandinê ye li gel hemû alîyên din, çi Sune bê çi Şî`e bê, dikarm bêjim ku 98% î ew tiştên ku em ji bo hatibûn bi dest me det, hemû mafên me û daxwazên me di destûrê de bi cih bû.
Herweha birê Berwarî berdewam kir û got: Nabê ew jî ji bîrê me here ku em beşekin di vê welatî dane, ew alîyên din jî girift û daxwazên xwe hene û ê me jî herweha, lê dikarim bê guman bibêjim ku 98% ew karên me ku em ji bo hatibûn bi vê reşbelekê destûrê de cêbcê bûn.