Kemal Kerkûkî: Kerkûk ser bi Herêma Kurdistanê ve debe

ne herêmêkî fîdiralî serbixwe

PNA- Efrin.net 20. 07. 2005

Berêz Kemal Kerkûkî cîgirê serokê perlimana herêma Kurdistanê Ev roj dûşemê di rastegotinekê de bo rojnamevanan, li ser serdana dawî ya komîteya piştgirî li nivîsandina destûr li Kurdistanê axivî ku demeke derbareyî wê di nêvbera serkirdayetîya Partî û Yekîtî û komîta yasayî ya perleman de pêkhat û ragihand ku komîte bi hemû karînên xwe piştgirîyê li daxwazên endamên Kurd di nêv komîta nivîsandina destûra herdemî de dike.
Kemal Kerkûkî ku li avahîya perlimana Herêma Kurdistanê diaxivî, di wê derbarê de ragihand: "Piştî rûniştina herdû nivîsgehên sîyasî ya Partîya Dîmokrata Kurdistan û Yekêtîya Nîştimanî Kurdistan ku herdû berêzan Mesûd Barzanî û Celal Talebanî jî amade bûn, daxwazkirin ku komîteyek pêk bihêt bo piştgirîyê li daxwazên wan birayên li Bexda endamên komîta destûrin û dixwazin mafên gelê Kurd di wê destûrê de were çespandin".
Hejî gotinê ye ku komîta hatîye şandin ji her yekek ji ji Kemal Kerkûkî û Mela Bextîyar pêkhatibû ku li Bexda gelek dîdar û hevdîtin li gel berpirsên Kurd û hikometa Îraqê.
Komîteya navbirî nexşeyek amadekirî ya herêma Kurdistanê li gel xwe biribûn Bexda ku bi piştbestina gelek belge û dokîmêntên dîrokî hatibû daraştin. Cîgirê serokê perliman sebaret bi wê got: "Em çûne Bexda û ew nexşeya bo herêma Kurdistanê hatîye amadekirin, me li gel xwe biribû, li gel ew pêşnîyarên pêwîst bû di destûra dahatî ya Îraqê de biçespe.Em li gel berêz Talebanî jî çend caran civîyan û belgeyên girîng xistin berdestên me û me karîbû careke din li gel biraderên xwe giftûgoyê bikin li ser wê xalên girîng em rêkeftin, me nerînên wan wergirtin. Herweha em li gel Eşiref Qazî jî rûniştin û ew xalan me yek yek li gel axivî û ew kêşeyên hebûne jî em li ser axivîn, yek ji wan pirsan nexşa Kurdistanê bû, ku ev mafê gelê me ye û belgeyên dîrokî û cugrafî deselmênin ku ew navçeyan ji xakê Kurdistanin û hîn ji ewê me daxwazkirîye bêtire, lê egera wa zulim û zora li gelê Kurdistanê hatîye kirin, me xwest daxwazîyên me li vê sinûre be û herweha dû ji belgeyên ku berêz Mam Celal xistine ber destên me, yeke ji wan vedigere salê 1794 a k nexşeya Kurdistanê têda ye û Kerkûk di nav Kurdistanê de ye û be zimanî Inglîzîye jî hatîye nivîsandin û ew pir girîng bû. herweha nexşeyeke din ku di dema Şah Ebdulhemîd de hatîye nivîsandin, ew jî wîlayetê Mûsil û herêma Osmanî bû ku li ser bi xetê Mezin "Kurdistan " hatîye nivîsandin û Kerkûk di nav deye ".
Herweha got: "Xuyaye di komîta destûrê Bexda de hîn jî hin deng zalim hene, wek Sedam çî hember Kurdan kir, bi heman boçûn û bi heman reftar û bêtir zalimin jî".
Vêcar got: "Di vê rojan de wefdêk din bilind li ser asta Kurdistanê ji gişt alîyên sîyasî û perlimana Kurdistanê û komîteya asayîkirina rewşa Kerkûkê amade dibin bo, li gel hemû alîyan giftûgo bikin û em hêvîdarin ku bikaribin nerînên me biselmênin û pûşmamî têde nabe û ti hêz nikare guftûy; li ser sînor û cigrafîya Kurdistanê bike".