Şeveke Helbestê bi Kurdî li Şamê lidar ket

Şêx Birîmce /  Şam

Efrîn.net 29. 05. 2005

Roja Înê 27-ê Gulanê li katjimêr 8-ê îvarê li paytexta Sûriyê, Şamê, taxa Kurdan şeveke helbestê li dar ket. Erê dem dawiya Gulanê ye, lê dunya baş sar bû. Lehengên şevê bi helbestên xwe yên nazik û zîz şev germ kirin.
Lehengên vê şevê sê mamoste bûn. Destpêk Helbastvanê kurd Oflaz gelek ji helbestên xwe yên kurt (filaş) bi zimanekî helbestî yî nazik xwendin. Oflaz ji herêma Çiyayê Kurmênc ji bajarokê Şiyê warê helbestvanê gewre Hamêd Bedirxan, Hisên Hebeş, Awazê Kalo,  Hêmen kurdaxî û Nesret Hebeş. Helbestvanê diwemîn Hoşeng Osê ji Herêma Dirbasiyê, ku rojnamenivîs û rexnevanekî nas e. Ew di hemî şevbuhêrkên kurdî de beşdar e. Wî jî du helbestên xwe yên xweşik xwendin, yek jê bi navê "Çemê gundê me" bû. Lehengê siyemîn mamoste Ebdî Çaço bû, ku helbestvan û nivîskarkî xuya ye. Ew ji herêma Dêrikê alî goçeran e.
Mêvanekî şevbuhêrkê ji Kurdisana başûr jî, ji herêma Dihokê, lêkolîner Îsmaîl Badî tevî şevê bû, û bi gotineke kurt rewşa çanda kurdî li Dihokê pêşkêş kir.
Wek nas e ev şev ji aliyê Komîta Şevbuhêrkên Kurdî li Şamê amade bû bû. Ev şeva 34-ê ye, ku di van sê salan de tê pêşkêşkirin. Wek nas bûye her li Îna dawî ji mehê ev reng şev li dar dikevin. Endamê komîtê Bavê Comerd şev pêşkêşî başdar û mêvanan kir.
Hêja yî gotinê ye ku ji herêma Cizîrê, ji Amûdê, mamoste Deham Ebdilfetah beşdarî  şevê bû bû û bi goteneke xweş şev xemiland.