Hin kesayetiyên Hannoverê bo piştgiriyê serdana Merwan Osman kirin

efrin.net, 21.01.2004

Doh û îro, hin kesayetiyên elman û biyanî serdana helbestvan û siyasetvanê kurd ê di girêva brçîbûnê de Merwan Osman kirin.
Doh, Pêncşem, romannivîsê el-selvadorî yê niştecihê bajarê Hannoverê David Hernandez serdana M. Osman kir. Hernandez piştgiriya xwe bo daxwazên M. Osman re diyar kir û li ser derfetên alîkariyê axaifî. Hernandez soz da ku ewê bi hevkarên xwe ên wêjenûs re derbarê çalakiya girêva birçîbûnê biaxife û têbikoşe ku hejmarek mezin ji piştgiran peyda bike.

Herweha îro, În, grûpek ji xwendekarên elman di gel berpirsekî Kitêbxaneya Hanah Arendt li Hannoverê serdana M. Osman kirin. Ewan ji pişgiriya xwe diyar kirin û guftûgoyeke dirêj derbarê brîndarkirinên mafên gelê kurd li Sûryayê bi M. Osman re saz kirin.
Grûpa xwendekaran û berpirsê kitêbxaneya H. A pêşniyazên xwe bo karê piştgiryê pêşkêş kirin û di encama serdanê de hin xalên kar hatin destnîşan kirin.

Ji bilî van kesayetiyan, hejmarek ji kesayetiyên kurd ên perçeyên Kurdistanê ên dîtir serdana Merwan Osman kirin. Ewan jî piştgiriya xwe ya tund eşkere kirin û soza kar bo piştgiriya doza kurd li Sûryayê kirin.