Têrorîstê Hewlêrê erebekî yemenî ye

efrin.net, 04.02.2004

Piştî ku Partiya Demokrat ya Kurdistanê duh wêneya wî reşekujî, yê ku xwe di baregeha PDK-ê li Hewlêra paytext teqandi bû, da bû belavkirin îro, li gor agahiyên ku ji Kurdistanê tên, şofêrekî kerkûkî ew xwediyê wê wêneyê – terorîst nas kiriye û ji asayîşê re dayî xuyakirin ku wî ew kes sibeha roja Cejna Qurbanê ji Kerkûkê ji pêş hotêla el-Zehra biriye garaca Hewlêrê.
Li ser vê agahiya girîng hêzên asayîşê operasyonek birine ser hotêla el-Zehra li Kerkûkê û mirovekî yemenî, ku gelek teqemenî pê re bû, girtine. Vepirsîna bi vî kesê yemenî re hîn berdewam e. Ev jî li gor pêşdîtinan dê bibe kêndirê.
Ji aliyekî din ve terorîstê ku xwe di baregeha Yekîtiya Niştîmanî ya Kurdistanê de da bû teqandin jî hino-hino tête naskirin. Di kasêteke videyoyê de, ku di dema teqîna têrorane de de hatiye girtin, wî kesî dide xuyakirin. Lê mixabin wêneya wî ji piş ve hatiye kişandin. Hewildanên naskirina wî jî hîn li dar in.