Tirkiyê: Saziya Leşkerî dîsa serê xwe hilda!
Werger ji Erebî: Tariq Hemo
efrin.net 25. 04. 2005
Her kesê ku bawerî bi wê yekê dianî,ku Saziya Leşkerî li Tirkiyê
ziîf û bê bandor maye, carek din bi axaftinên Urgenral Hilmî Özkuk
şaş ma.Axaftinên Özkuk, an jî ew "Daxuyaniya" ku li ser 45 rûpelan
hatibû raxistin, û mîna "Nameyek Vekerî" ji raya giştî re, bi zanîn,
hatibû ragihandin, çend amajeyên girîng dane dewlet û berpirsyarên
tirk, û her weha her kesê ku bi "Kêşyên Tirkiyê" re aleqedare.
Özkukê ku li Akadîmîya Leşkerî a Stenbûlê peyamek tûnd û tûj da
xelkên xwe,ji bo cara yekê bal kişand ser çend "Pirsgêrêken Girîng"
û nerazîbûna xwe derbarê wan de nîşand da. Di derheqa AKPê de, weha
axft" AKPê bi taktîkên xwe yên cihêreng dixwaze rêviberiya dewletê
têxe bin kontrola xwe de". Her weha Öuzkuk gef li Yûnanistanê jî
xwer û da zanîn, ku "Gerek Yûnanstan gelekî bi ser Tirikiyê ve neçe
û di kêşeya Qubrsê de xwe tevnegerîne".
Lê ya girîng û balkêş di axaftina Özkûk de, ew bû ku, ev cara yekeme
ji demek dûre ve, desttêwerdaneke bi vî rengî di siyaseta Tirkiyê
de, ji aliyê eskeran ve tê kirin, rû dide.
Weha dixuye, ku piştî 2 sal û nîvan ji "Desthilatdariya" AKPê ve, ku
rola eskeran di siyasetê de, li gorî pîvanên YE, kêm bûbû, dîse
hewledanek eskerî, bi van axaftinan re,destpê dike.
Piştî ewqas"Xwegirtin" û "Bêalîbûn" ji aliyê eskeran ve, ku Ozkûk bi
xwe jî alîgerê vê "Qonaxa Nû" bû ( Binavkirina mirovekî sivîl wek
serokê MGKê), dîse Saziya Leşkerî serê xwe hilda û hikûmet û hêzên
derdor hişyar kir.
Gelo sedema vê yekê ci ye?. Her weha, gelo kî bi rastî tirkiyê bi
rêve dibe?.
Ya rastî, ku axaftinên Özkûk derbeyek xurt li "Prosesa Reform û
Dîmokratîzekirina" dewletê da. Her weha, ew "Wêneya tirkiyê" a ku
qaşo di hişê cîhanê de hatibû guhertin,hilweşand û dîsa mîna
berê"Welatekî ji aliyê eskeran ve tê birêvibririn" nîşan da!.
Tiştê ku Özkuk derbirî, û ew xalên ku da destnîşan kirin, jinûve
damezrandinekê di navbera esker û sivîlan de li Tirkiya berendama YE
yê, ferz dike.
Destnîşankirina wezîfeyan û danasîna berpirsyariya her saziyekê, îro
li tirkiyê pêwîst e. Ya naxwe "mînaka" tirkyê wek dewletek ji aliyê
eskeran ve tê birêv birin, dê her û her bimîne li cihê xwe.
Dr.Mihemed Nûraldîn.
Rojnama Al-Sefîr
Werger ji Erebî:
Tariq Hemo
|
|
