Sedamê xwînmij hate girtin

efrin.net 14.12.2003

Li gor Ajansa Nûçeyên Îranê (IRNA), ya ku xwe dispêre ragehandinên sekreterê giştî yê Yekîtiya Niştimanî ya Kurdistanê mam Celal Talebanî, dîktatorê berê yê Iraqê Sedam Husên îro berbangî li Tikrîtê, bajarê jidayîkbûna wî, hat girtin.
Li gor kanala televizyona emerîkî CNN-ê jî berpirsekê emerîkî dibêje heye ku Sedam Husên hati be girtin. Berpirsên emerîkî dê li gor dema Iraqê seet 15.00-ê preskonferansekê amade bikin û agahdariyên berfirehtir di vî warî bidin.
Li aliyekî din rêzdar Nazim Debax, nûnerê YNK-ê li Tehranê, ji bo ajansa Reutersê dibêje:
– Ez piştrast dikim ku Sedam Husên hatiye girtin.

Herweha rêzdar Întîfad Qenber, rayedarê Kongira Niştîmanî ya Iraqê, ji Televisiyona el-Cazîra re misogeriya girtina Sedamî ragihand. Li gor wî vekolînên DAN wê yekê diçespînin, ku ewê ku hatiye girtin ji sedî sed Sedam Husên e.