efrin.net 31.10.2003

Sedsaliya jidayîkbûna Cegerxwîn li Holenda

Îro (Yekşem, 19.10.03) tevgera hunermend û rewşenbîrên kurd li Holenda semînarekê bi boneya sedsaliya jidayikbûna helbestvanê kurd yê gewre Cegerxwîn li dar dixe.
Bajar: Rotterdam
Navnîşan: Vervrijver hof 27 Li Rotterdam
Dem: 17:00
Bo agahdarî û têkiliyê: 0031 0624120088

efrin.net 19.10.2003

Li Holendayê sedsaliya nemir Cegerxwîn

efrin.net 19.10.03
Platforma Kurdên Sûriyê li Holendayê roja 25.10.2003-an li bajarê Arnheimê sedsaliya helbestvan û xebatkarê nemir Cegerxwîn di şahiyeke wêjeyî de vedijîne.
Mêvanên vê şahiyê jî dê nivîskarên jêrîn bin:
1. Ehmedê Huseynî
2. Bavê Narîn
3. Hoşeng Broka
4. Henîf Yûsuf
5. Dilyar Dêrikî
6. Muzik: Rubar
Roj: Şemî, 25.10.2003
Kat: 15:00
Cih: Komeleya Cegerxwîn li Arnhem
Navnîşan: Veerp0lderstraat 128, Arnhem

efrin.net 19.10.2003

Pênûsa nû derket

efrin.net 19.10.2003
Hejmara 15-ê ya kovara “Pênûs”, ya ku li Almaniyayê her sê mehan carekê derdikeve, derket. Herweha ewê pir nêzîk di malperê de jî (www.efrin.net/penus) li ber destê we be.
Ev hejmara jî – weke hertim – ji 100 rûpelî hevedudan ye, û piraniya wê (67 rûpel) bi zimanê kurdî ye.
Di beşê kurdî de van berhemên hêja çî girtine:
1. Divê pîvan Kurdayetî be; dr Kamiran Bêkes
2. Hozanvanê kurd Cegerxwîn; Rezoyê Osê
3. Gelê kurd li Kurdistana Sûriyê; dr. Ebdilmecît Şêxo
4. Qedrî Can, Dilawerê Zengî
5. Hunera gotinê, Lokman Polat
6. Helbesta folklorî a kurdî, Keça Kurd
7. Xewna Zemîn, dr. Zorabê Bûdû aloian
8. Ewropî, dr. Mihemed Zeyno
9. Bîstûhineksalî, Ebdulrehman Efîf
10. Hey evîna ku di mofirkên dîwaran de, Hêmen Kurdaxî
11. Piştî nîvê şevê, Şêlan
Di beşê erebî de jî (ku vê carê ji 33 rûpelan hevedudan e) berhemine hêja cî girtine; ew jî ev in:
1. رؤية مستعصية في واقع متناقض؛ هيبت بافي حلبجة
2. مأساة بلغت عامها الواحد و الأربعين، عبدالله نور إمام
3. لقاء مع السيد تيلمان زوليخ؛ برزان نيو
4. جيومارت ـ الجد الاسطوري للبشرية؛ جمعة الداوود
5. الثلج (قصة قصيرة)؛ محمد خير عمر
6. حين تحترق النساء (شعر)؛ جان هيمن
7. ثلاثة قصائد؛ شه ف يار
Hêjayî gotinê ye ku sernivîserê kovarê (Dr. Kamiran Bêkes) sernivîsara vê hejmarê“div`e p`ivan Kurdazet`i be“ li ser guhartinên, rewşa gelê kurd li Sûriyê, siyaseta Sûriyê û pêdiviyên demê nivîsandiye. Em kêfxweş in ku li vir temna wê sernivîsarê pêşkêş bikin.

efrin.net 12.10.2003

Li Stockholmê jî Kurdan Sûriyê protesto kirin

efrin.net 12.10.2003
Duh li katjimêr 11.00-ê dora 200 kurdî li Stockholmê xwepêşandaneke protestoyê li hember balyozxaneya Sûriyê, bi boneya 41-saliya projeya “serjimartina awarte” ya nijadperest ya ku di encamê de îro roj dora 250000 Kurd ji mafê nasnameya Sûriyê û hemwelatiyê bêpar hatine hêştin, li dar xistin. Herweha heyeteke kurd li ser navê beşdaran xwast nameyeke nerazîbûnê bide balyozxaneya Sûriyê, lê her wekî li pir dewletên Ewropa li stockholmê jî balyozxaneya Sûriyê deriyê xwe li pêş Kurdan girt û ne xwast tu kesî pêşwazî bike.
Weke tê zanîn rêxistinên her çar perçên Kurdistanê di vê xwepêşandanê de beşdar bûn. Herweha hêjayî gotinê ye ku ev cara pêşî ye ku Kurdên Kurdistana Sûriyê bi hev re digel kurdên ji parçeyên din yên Kurdistanê li Stockholmê li hember siyaseta Sûriyê ya şoven û nijadperest xwepêşandaneke bi vî awayî li dar dixin.
Dirûşmên xwepênîşandinê ev in:
– Naskirina hebûna gelê kurd li Kurdisatna Sûriyê û pejirandina mafên wî yên demokrat
– Vegerandina hemwelatiya Kurdan li herêma Cizîrê
– Rakirina “Kembera Erebî” û nehiştina erebkirina Kurdan
– Azadkirina hemû girtiyên siyasî yên kurd di zindanên Sûriyê de.
Rêxistinên ku ev çalakiya li dar xistine ev in:
– Tevgera Siyasî ya Kurd li Sûriyê - Komîteye Swêdê
– Federasyona Komeleyên Kurdistanî li Swêdê- FKKS
– Komîteya Hevakariya Rêxistinên Kurdistanî li Swêdê
– Insyatîva Kurd li Swêdê.

efrin.net 12.10.2003

Kurdan memorandumek dan Perlemana Danîmark

efrin.net Kopenhagen, 12.10.2003
Di çarçewa çalakiyên rûreşkirin û protestokirina siyaseta şoven û nijadperest ya desthilata Sûriyê li dij gelê me yê kurd li Başûr-rojavayê Kurdistanê, û bi boneya 41-saliya projeya “serjimartina awarte” ya nijadperest, ya ku di encamê de îro roj bêtirî 250000 kurdên ku jiberê û paşê de li ser erdê bav û kalên xwe dijîn ji mafê hemwelatî û nasnameywergirtinê hatin bêparkirin, Kurdan li Danîmark jî çalakiyeke li dar xistin û siyaseta Sûriyê riswa rûreş kirin.
Li gor agahiyên ku ji efrin.net re hatine pêr HEVKARÎ, XWEYBÛN, KOMKAR û INSYATÎVA KURD memorandumek li ser rewşa gelê kurd li Başûr-rojavayê Kurdistanê pêşkêşî Perlemana Danîmarkê kirin. Di mêmorandumê de hem siyaseta şoven û nijadperest tête riswa û rûreşkirin, hem jî ji Perlemana Danîmarkê tête lavekirin ku ew di riya Yekîtiya Ewropa de, bona çareserkirina doza kurd li Sûriyê, pest û zorê li desthilata Sûriyê bike.

efrin.net 09.10.2003

Li Swêdê jî Kurd dê siyaseta Sûriyê rûreş bikin

efrin.net 09.10.03
Di çarçewa çalakiyên rûreşkirin û protestokirina siyaseta şoven û nijadperest ya desthilata Sûriyê li dij gelê me yê kurd li Başûr-rojavayê Kurdistanê, û piştî ku li pir dewletên Ewropa çalakiyên curecur li dij rêjîma Sûriyê pêk hatin, Kurdên Swêdê jî biryara xwe standine ku bi hev re li dij siyaseta Sûriyê ya şoven û nijadperest xwepêşandanekê pêk bînin.
Li gor agahiyên ku gihane efrin.net Çalakiya Swêdê dê roja Şemiya bê (11.10.2003) li Stockholma paytext bêten lidarxistin.
Partî û rêxistinên amadekar agahdariyek derbarî vê çalakiyê amade kirine. Em wê bi dilxweşî di li vir diweşînin.
AGEHDARÎ
Îsal 41 sal derbas dibin, ku hemwelatiya 250 hezar Kurd li Kurdistana Sûriyê ji wan hatiye standin û ji hemû mafên mirovayetî bêpar manin.
Bi vê helkeftina tracîdî diyaspora kurd li Swêdê roja 11.10. 2003-ê, katjimêr 11.00, xwepêşandineke protestoyê hemberî balyozxaneya Sûriyê li Stockholmê pêk tîne.
Dirûşmên xwepênîşandinê ev in:
– Naskirina hebûna gelê kurd li Kurdisatna Sûriyê û pejirandina mafên wî yên demokrat
– Vegerandina hemwelatiya Kurdan li herêma Cizîrê
– Rakirina “Kembera Erebî” û nehiştina erebkirina Kurdan
– Azadkirina hemû girtiyên siyasî yên kurd di zindanên Sûriyê de.
Em bangî hemû niştîmanwerên kurd dikin ku beşdarî vê çalakiyê bibin û vê siyseta nijadperest riswa bikin.
Amadekar:
– Tevgera Siyasî ya Kurd li Sûriyê - Komîteye Swêdê
– Federasyona Komeleyên Kurdistanî li Swêdê- FKKS
– Komîteya Hevakariya Rêxistinên Kurdistanî li Swêdê
– Insyatîva Kurd li Swêdê
Cih: Metro - Karlaplan Alle (Närvavägen) – Stockholm
Kat: 11 Oktober 2003, 11:00-13:00

efrin.net 06.10.2003

Li Holenda, Belcîka û Nemsayê xwepêşandanên Kurdan

efrin.net 06.10.2003
Duh bi boneza 41-saliza projeza “serjimartina awarte” ya nijadperest bêtirî 100 kesê kurd li bajarê holendî Lahayê xwepêşandanekê li pêş Wezareta Karûbarê Derve ya Holenda li dar xistin, da ku siyaseta şoven û projeyên nijadperest, yên ku gelê me yê kurd li Başûr-rojavayê Kurdistanê di bin de dinale, rûreş û protesto bikin.
Hêjayî gotinê ye ku heyateke ji xwepêşandêran memorandumeke li ser rewşa gelê kurd li Sûriyê û çewsandina heyî pêşkêşî Wezareta Derva ya Holenda kir.
Li aliyekî din duh li Brûsselê (Belcîka) jî Partiya Yekîtî ya Demokrat a Kurd, bi piştgiriya Partiza Yekîtî ya Kurd, xwepêşandane li pêş balyozxana Sûriyê, bi heman bone û armancê li dar xist. Mixabin li wir jî Balyozxana Sûriyê deriyê xwe li pêş çalakiya Kurdan ya aştiyane girtin û ne xwastin kesekî pêşwazî bikin û li daxwazên wan yên rewa û destûrdayî guhdar bikin.
Herweha Hevbendiya Demokrat a Kurd, Partiya Hevgirtina Gelê Kurd, Partiya Yekîtî ya Kurd û Partiya Çep a Kurd xwepêşandanek bi heman bine û armancê li pêş baregeha Rêxistina Neteweyên Yekbûyî li Viyêna, paytexta Nemsayê, li dar xistin.
Hêjayî gotinê ye ku cîgirê serokê baregeha NY pêşwaziya heyateke ji xwepêşandêran kir û guhdarî li daxway û armancên wan kir, li dawiya hevdîtinê jî ewî bi kurdî got: “Bijî, bijî Kurd!”
Weke tête zanîn îsal bi boneya 41-saliya projeya “serjimartina awarte” ya nijadperest li gelek welatên Ewropa û li Sûriyê Kurdan ça;lakiyên curecur li dar xistin û siyaseta şoven rûreş û protesto kirin.

efrin.net 06.10.2003

Li Berlînê xwepêşandana Kurdan

efrin.net 06.10.2003
Duh dora 400 kesê kurd li Berlînê xwepêşandaneke rûreşkirinê bi boneya 41-saliya projeya “serjimartina awarte” ya nijadperest li dar xistin. Xwepêşandêr pêşî li nav kolanên Berlînê bi rê ve çûn, pişt re jî li “hember” balyozxaneya Sûriyê kom bûn, da ku siyaseta şoven û projeyên nijadperest, yên ku gelê me yê kurd li Başûr-rojavayê Kurdistanê di bin de dinale, rûreş û protesto bikin.
Hêjayî gotinê ye ku li gor rêdana ku rêvebirên xwepêşandanê bi dest xistine diviya bû xwepêşandan ji balyozxanê de bi kêmanî 30 metroyî dûr be!! Weha xuya ku nijadperest û şovenê di hundir de ji çalakiyên me yê pir aştiyane jî bi tirs in, yan jî dixwazin me tersî wê nîşan bidin.
Xapêşandêran di daxwaz û sloganên xwe de ev tişt anîn zimên: “Bijî Demokrasî û mafên mirovan”, “bijî azadî û wekhevî”, “na ji şovenîzm û nijadperestiyê re”, “Kurd azadiya xwe dixwazin”… û hwd.
Herweha partiyên ku ev xwepêşandana li dar xistine daxuyaniyek bi vê boneyê bi zimanên kurdî, almanî û erebî belav kirin. Tê de evê jêrîn têne xwastin:
– Nehêştina encamên “serjimartina awarte” û vegerandina hemwelatiyê bo kesên jê bêparkirî.
– Jiholêrakirina encama “kembera erebî” û vegerandina erdan bo wan kesan, yên ku ji wan hatî standin.
– Serbestkirina girtiyên siyasî, yên di girtîgehên Sûriyê de, û di nav wan de xebatkarên gelê kurd.
– Jiholêrakirina yasa û fermandariya awarte, û bicihkirina azadiyên siyasî û parastina mafên mirovan û rêzgirtina li wan maf û azadiyan.
Weke tête zanîn rêxistinên ku ev xwepêşandan li dar xistine ev in:
– Hevbendiya Demokrat a Kurd
– Partiya Yekîtî ya Kurd
– Partiya Hevgirtina Gelê Kurd
– Partiya Çep a Kurd
Herweha HEVKARÎ (Hevkariya Partiyên Kurdistanî li Almaniya) û Komîteya Bervedêriya Mafên Mirovî li Sûriyê piştgiriya vê xwepêşandanê kirin.
Hêjayî gotinê ye ku di heman rojê de li Belcîka, Holenda û Nemsa (Awstiryayê) jî xwepêşandên bi heman bone û mebestê hatin lidarxistin.

efrin.net 05.10.2003

Li dawiya dawî her tişt zelal bû:
şeş partiyên kurd çalakiyeke rûreşkirinê li Şamê li dar xistin

efrin.net 05.10.2003
Bêtirî 200 Kurdên Binxetê îro li pêşiya avahiya Serokwezareta Sûriyê li dij projeya "Serjimartina Awarte" protesto kirin. Ev çalakî bi şêweyeke xweşik û bê ti problem derbas bû.
Serokwezîrê Sûriyê Mihemed Nacî el-Eterî îro pêşwaziya komîteyeke ji sê Kurdan kir û soz da wan ku ewê nêzîk de li ser daxwên wan raweste. Herweha endamekî Perlemana Sûriyê bi navê Ebdulrehman Hemrûş, ku bi nijada xwe kurd e, hevdîtin bi Kurdan re pêk anî û soz da wan, ku ewê hewil bide ku di civîna perlemanê ya bê de daxwazên Kurdan bikevin rojeva perlemanê.
Weke tête zanîn ev demeke dirêj e ku partiyên tevgera me li Başûr-rojavayê Kurdistanê ketine danûstandinine pir dirêj û lihevalî da ku – belkî – li ser yek helwestê bigihînin hevdu û kari bin bi hev re çalakiyeke protestoyê li dij siyaseta şoven û projeyên nijadperest bi boneya salvegera 5-ê Çiriya Pêşîn, roja pêkanîna projeya “Serjimartina awarte” ya hov û nijadperest, ku di encamê de îro roj bêtirî 250 hezar kurd bê nasname û mafê hemwelatiyê mane.
Di van danûstandinên maratonî de xuya bû her layekî (ji herdu layên tevgerê – layê ku dixwaze êdî bi çalakiyên hêja li maf û daxwazên gel xwedî derkeve, û yê ku hîn bi berger û rihmisdanê dixwaze ligel desthilata şoven têkildar bibe) dixwast ku partiyên Tevgerê li ser helwesta wê bigihin hevdu. Lewra jî me dît ku biryara wergirtî wek lihevkirineke nîv-nîv di navbera herdu helwestan de bû – bila xwepêşandanek hebe, lê bila biçûk û bêdeng.
Lê ev kompromîsa ha jî ne çû serî: partiyan Hevbendiyê ji bilî Partiya YEKÎTÎ ya Demokrat duh (04.10.03) di daxuyaniyekê de helwesta xwe ya destkişandina ji çalakiya Şamê diyar kirin. Herweha Partiya Demokrat a Kurd li Sûriyê (Nezîr Mistefa) û Partiya Niştîmanî ya Demokrat (Tahêr Sifok) jî beşdarî vê çalakiyê nebûn.
Bi vî awayî jî şeş partiyên kurd xwedî li biryara tevgerê ya berî çend roja hatî wergirtin derketin û çalakiya xwe li pêş Serokwezareta Sûriyê li dar xistin. Li gor agahiyên ku heta nuha gihane me bêtirî 200 kesî di vê calakiya rûreşkirinê de beşdar bûn.
Partiyên ku di vê çalakiya rûreşkirinê de beşdar bûne ev in:
– Partiya Çep a Kurd (Xêredîn Murad)
– Partiya Demokrat a Pêşverû a Kurd (Ezîz Dawê)
– Partiya Hevgirtina Gelê Kurd
– Partiya Demokrat a Niştîmanî ya Kurd
– Partiya Yekîtî ya Demokrat a Kurd
– Partiya Yekîtiya Kurd
Nêzîk de emê hewil bidin ku ragihandinê berfireh li ser vê çalakiya rûreşkirinê belav bikin.

efrin.net 01.10.2003

Kurdan li Londonê jî desthilata Sûriyê rûreş kirin

efrin.net 05.10.2003
E. Hadî Dorî - LONDON
Duh li katjmêr 12.00 dora 100 mirovî ji revenda Kurd, yên ku li Îngelterayê dimînin, bi mebesta rûreşkirin û protestokirina projeya “serjimartina awarte” ya nijadperes, ya ku di 05.10.1962-an de li herêma Cezîrê hatiye çêkirin, xwepêþandanek li dar xistin. Berpirsiyarên xwepêşandanê memorandumek (muzakerak) bi navê Hevbendiya Demokrat a Kurd li Sûriyê, Partiya Yekîtî a Kurd û Partiya Çep a Kurd li Sûriyê gihandin balyozxaneya îtalî, ya ku niha seroketiya Yekîtiya Ewropa dike. Di memoranduma xwe de rêxistinên navborî rewşa hemwelatiyên kurd, yên ku ji nasnameyê bêpar in, bi taybetî û rewşa miletê kurd li Sûriyê bi tevayî şîrove kirin bûn.
Weke tête zanîn di 05.10.2003-an de 41 sal di ser projeya “serjimartina awarte” a nijadperest re derbas dibin. Ev projeya ku di encamê de 150.000 hemwelatiyên kurd (nuha hejmara wan dor 250.000-î ye) ji mafê hemwelatiyê û pê re jî ji hemû mafên xwe yên mirovane hatin bêparkirin.
Hêjayî gotinê ye ku îsal çalakiyên curecur li gelek dewletên ewropî (Almaniya, Yonanistan, Ingilîz, Swêd, Swêsra, Holenda, Austriya) bi heman mebestê têne lidarxistin. Herweha dê Şama paytext jî çalakiyeke rûreşkirinê ji aliyê şeş partiyên kurd ve îro (05.10.03) li dar ket û heyateke şêkesane daxwazên çalakvanan gihande serokwezîrê Sûriyê.
Çalakiya Birêtaniya ji aliyê van rêxistinên jêrîn de hati bû organîzekirin:
- Partiya Yekîtî ya Demokrat a Kurd li Sûriyê
- Partiya Hevgirtina Gelê Kurd Li Sûriyê
- Komeleya Rojavayî Kurdistan