Banga 2an
 

Gelî xwendevan û nivîskarên hêja :

Li gor e-mail û nameyên ko ji me re hatine, tev li me û li nasnameya {yekîtiya nivîskarên serbixwe} dipirsin. Lewra em karin bi kurtî bersivê bidin; yekîtiya me li destpêka sala 2003 an li bajarê Qamiþlo hate damezrandin, lê li gor daxwaza hemû nivîskaran û ji sedemin taybetî me nav ne danîn, bi navê yekîtiyê em tev karin xebata xwe berdewam bikin; li gel silav û rêzên hemû hevalan…

Me berî demekê bangek bi navê {pênûsa birakujiyê} belavkir, û ji dilêþiya me li ser rewþa ko nivîskarên kurd têde dibûre, lew ew bi ber þerê birakujiyê ve diçin. Me hewl da em li wan bangkin û bêjin; çû dema þerê birakujiyê, êdî qonaxeke nû destpêkiriye; heger em berê pênûsên xwe ji wate û armanca tekoþîn û þoreþa çandeyî biguhêrin. Û berê xwe bidin hev, û her yek nivîsarekê binivîsîne xwe têde bide xuyakirin, ew qehremanê ziman û afrandinê ye, piþt re yekî din wê gotarekê lê vegerîne û jê re bêje gava ez nivîskar bûm, hîn wê çaxê li ziman tu hay ne bibû. Ev gera li çixêza vala çi sûda wê nîne. A giring li pilanên dijminan em þiyarbin û derfetê ne din wan da me ji hev tarûmar nekin.
Piþtî rûsarî û ketina pilanên mît û parastinên rêjîmê di berzkirina nivîskarên mîna {Munzer Elmûsilî, Suhêl Zekar û Zekeriya Tamir}ev nivîskarên þofenî û dûv yên ko pênûsên xwe dijî miletê kurd û kurdistanê bikaranîn, û piþtî li nav kurdan û birayên Erebên dilsoz armancên ewan xuyabûn; hem bawerî bi wan ne ma..rêjîmê berê xwe da nivîskarin nû {kurd} mixabin !! da karê ewan nivîskarên þofînî berdewam bikin û li dijî cografya kurdistanê, li dijî dîroka kurdî, li dijî serok û rêberên þoreþên netewî,li dijî nivîskar û dîroknasên kurd, li dijî helbestvan û zimanzanên me û li dijî rewþenbîrên kurd þer bikin.. da armancên mît û parastinên rêjîmê pêkbînin; li gor ji wan tê xwestin û hin jêder dibêjin: ko gotarên amadekirî ji wan re tên tenê navê xwe li bin dinivîsînin ; û belav dikin.
Mixabin ko xwe gihandine kovar û malperin kurdî yên bi nav û deng û hîn berdewmin di belavkirina gotarên wan ên jehirkirî bê ko bizanin bi destê kê hatine nivîsandin..!!
Vêca em dubare ji hemû kovar, rojname û malperên kurd ên hêja bi taybetî ên li ewropa, dibe ko hayê wan ji evan pilanan tunebe..em wan agadar dikin , bela hayê wan ji evan nivîskaran hebin û gotarên wan belav nekin...
-Banga me bangeke biratiye. Em hêvîdarin ko miletê me nema bi van xwefiroþan bê xapandin..

Bijî kurd û kurdistan
Yekîtiya Nivîskarên Serbixwe

Qamishlo
 

Ji raya giştî ra,
 

Himber êrîşgerîya dewleta Tirk divê hemû Kurd Yekbin!

Bi bûyerên dawî xuya dike ku li Rojhilata Navîn şer nêzîk dibe. Amêrîka û Îngîlîz ji bo êrîşa ser Iraqê xwe hazir dikin, leşkerê xwe li mintiqê kom dikin. Ger Saddam û hevalên xwe terkî hukum û welat nekin, êhtimal e heya mehkî şer dest pê bike.

Dewlet û hukumeta Tirk jî, herçiqas di destpêkê da nîşan da ku dijî vî şerî ye û çareserîyeke aşitîxwaz dixwaze, lê ev helwest ne ji dil bû. Nuha hazirî dike him rê bide eskerê amêrîkê ji bo vekirina cepha bakûr, him jî bi xwe êrîş bike Kurdistana Başûr dagre.

Derd û tirsa dewleta Tirk Kurd in. Ew ji hukumet û parlamena Kurd ku ev 11 sal e li Başûr avabûye û ji azadîya Kurdên vî parçeyî gelek aciz e. Tirsa xwe ya mezin, pêkhatina statûyeke baştir e ji bo Kurdên başûr piştî şer, çi bi şiklê serxwebûnê çi federalî. Dixwaze rê nede guhartineke han, heya di vê firsandê da dawîya xumuxtarîya Kurdan bîne.

Her usa jî çavê Tirkan li nifta Mûsil û Kerkûkê ye.

Dewlet û hukumeta Tirk, heya muxalefeta li parlamenê hemû bi hevra hazirîya êrîşekê dikin. Leşkerê Tirk li ser sînor kom dibe; ji xwe beşek ji zû va ketîye Kurdistana Başûr.

Eva xetereke mezin e him ji bo Kurdistana Başûr him jî bo hemû milletê Kurd.

Himber vê yekê divê milletê Kurd, partî û serokên wî gelek hişyar bin, dest bidin hev pêşî li vê erîşgerîyê bigrin.

Divê himber êrîşgerîya Dewleta Tirk helwesta Kurdên Başûr yek be, ew rê nedin lîstik û planên dijmin, erda xwe û destkevtîyên xwe biparêzin.

Divê Kurdên parçên dinê, bi taybetî Kurdên Bakûr himber êrîşa dewleta Tirk bin, li hundur welat û li der welat çi ji dest tê bikin, vê rejîma mîlîtarîst û dagirker, har û hov rûreş bikin, piştgirîya Kurdên Başûr bikin.

Li rojhilata navîn bûyerên mezin diqewimin, kevir ji cîyê xwe dilivin û ewê tesîreke mezin li ser qedera me Kurdan jî bike. Di rojeke hanê da divê hemû hêz û rêxistinên Kurd, hemû welatparêzên Kurd dest bidin hev, mafên xwe û heqên xwe biparêzin, bo vê yekê çi lazime bikin.

Kemal Burkay
Sekriterê Giştî
Partîya Sosyalîst a Kurdistan

4 Sibat, 2003
 

Civîna Çilrojiya Kek Hemreş Reşo li Almanyayê
 

PDK-Bakur li Almanyayê, roja 09.02.2003 an, demjimêr 12:00 heta 17:00, li
navnîsana jêrîn
Civîna Çilrojiya Serokê Partiyê dilovan Kek Hemres Resoyî li dar dixe.
Em dixwazin bi vê minesebetê hemî dost û nas û pêgirtiyên Kek Hemres û hemî
Kurdên welatperwer agahdar bikin. Her wisa hemî partî, rêxistin, sazîyên Kurd û
Kurdistanî û kesên welatparêz dawetî çilrojiyê dikin.
HEVKARÎ-Platforma Rêxistinên Kurdistanê li Almanyayê biryar girtiye ko
pistgiriya Civîna Çilrojiya Kek Hemresî bike. Em dixwazin bi vê egerê spasiya
Hevkariyê û hemî rêxistin û saziyan bikin, ji bo pistgirî û dilsoziya wan û ku
dilêsî û xemgînîyê bi me re par dikin.

PDK-Bakur
Almanya


Navnîsana Civîna Çilrojiyê:
"SAAL 2000"
Schlodderdicher Weg 48
51469 Bergisch Gladbach
Ji bo peywendiyê: 0172-2487589, 0171-2141771, 0170-5273158

*** *** ***

Rêya cihê civînê:

Cihê civînê nêzîkî Kolnê ye. Kesên bi trêmbêlan (Auto) werin, dikarin ji A3
Koln-Dellbrück (Ausfahrt) derkevin, ser destê çepê vegerin û berê xwe bidin
Dellbrück/Holweide li ser cadeya Bergisch Gladbacher Str. 5,5 km bajon. Ku hûn
ketin hudêdê Bergisch Galdbachê (Ortschild!) li ber lampeya yekemîn ser destê
rastê vegerin. Ev cade "Schlodderdicher Weg" e. "Saal 2000" pistî 410 metroyan
ser destê çepê ye. Parkeke mezin ya salê heye. Hûn dikarin bi trêmbêla xwe
derbasî parkê bin. Û hûn bi xêr hatin ser sera û ser çavan!
Eger pirsên we hebin, hûn dikarin li van sê telefonan bigerin.

*** *** ***

Bi kurtî agahdarî li ser programa civînê:

- Pêdivîyên dînî û toreyî
- Axaftin
- Panel li ser jiyana Kek Hemresî -
bi besdariya çar gotarvanan -kurdî û yek bi elmanî- (Tilmann Zülch, Ihsan
Aksoy, Bedirxan Epözdemir, Ömer Heyder)
- Gotinên mêvanan û mesaj
- Xwarina sînê
 

Hêmen Kurdaxî (Neşet Betal) berhevokeke helbestan li pirtûkxaneya kurdî zêde kir.
 

Berhevok ji 72 rûpelên (Din A5) hevedudan e, ku tê de (45) helbestan cî girtine. Helbestên Kurdaxî li gor hest û pêla derûna wî carina dirêj, carina jî kurt in. Lê bi wate, wêne û helbestiya xwe dewlemend in. Di piraniya helbestên xwe de – weke dr Kamiran Bêkes dibêje – Kurdaxî dikare xewn û hestên mera ên xulmaşbûyî bi awazên peyv û hevokên xwe, bi sirweya qêrînên xwe ên lal şiyar bike û wan di asoyên xwe de bifirîne.


Kiz

Buharê derî girtin
Havînê pencere tazî kirin
Hîne sîngê min jî
wek kirîfekî
dil kiriye
êzingekî ter û
dişewtîne...


Navnîşana xwastinê:
Neşet Betal
Große Straße 29
49377 Vechta
Germany

Tel.: (0049) 044 41 / 90 71 96
E-Mail: hemen_kurdaxi@t-online.de

Pênûsa birakujiyê
Ji nexwþiyên nivîskarên KURD !!
 

Em evê gotarê li þûna bangekê bi taybetî ji nivîskarên kurd li rojavayê
kurdistanê re, û bi giþtî ji hemû nivîskarên kurdistanê re rêdikim.. Lewre em bang li hemû nivîskarên kurd dikim û ji ewan re dibêjim : bese,
bese ..Em þerê hev bikin , bese gotaran li hevûdu vegerînin .!! Birayên hêja :Hûn çi navberê di nav þerê nivîskaran û dijayetiya wan de û
di nav þerê birakujiyê de yê ko her serê demekê li nav hêzên kurdî yên
çekdar de vêdiket, dibînin?
Di nerîna me de heger hin ji evan nivîskaran xwedî tifing bana , wê birakujî
bikirana , tev ko hemû di nivîsandinên xwe de þerê birakujiyê jî dikin. Rûpelên belavok, rojname, kovar, û malperên kurdî ji evan gotarên birakujiyê
dagirtîne…mixabin..!!
Elbete bûye wek alfabêtka çi nivîskarê ko karînên nivîsandinê li cem wî ne
xurt in, bi evan gotaran dixwazin ,wekû nivîskar xwe bidin xwiyakirin ,lê
bawer bikin {serî bi paçan tucarî mezin nabe}, lê tiþtê balkêþ yekcarna
nivîskar in bi nav û deng li dûv xwe bivênevê dikiþkiþînin . û li vir
nexweþî kûrtir dibe , û ew di qonaxeke pir xirab de diraweste; ji ber ko
nivîskarên bi nav û deng nema li wê rêzgirtina xwe dipirsin û bivênevê li
evan birakujan divegerînin. Û ji nûv de þerê {pênûsa birakujiyê} dest pê
dike…!!
Elbete ev karê {pênûsa birakujiyê} tenê li bal me kurdên rojavayê kurdistanê
heye, kêm carina li hersê parçên kurdistanê din peyda dibe. Û heger we gotar
in ji layê nivîskarên wan di evî warî de xwendinbin bêguman wê li nivîskarên
me vegerandibin, ma bervedêriya xwe jî nekin ? gava nivîskarna ji me þerê
dîrok û cografiya , û tore û torevanên bilind kirine wê çawa nivîskar li me
venegerînin ?
Kê ji we dîtiye ko {nivîskarekî kurd}peyê mît û parastinan û em di evê de
tucarî þek û gumanê nakim . ko dibêje :”hinek ji reþenbîrên me xewnedar in
ko welatekî me hebû , yekparçe, binavê kurdistan û dibêjin: pilanên dijminan
ew parçe parçe kirine }. Bi rastî me ev gotin gelekî ji devê þofîniyên Ereb,
Tirk, û Farisan û mîtên ewan bihîstiye , lê me ji devê nivîskarekî xwefiroþ
cara yekê ye em dibihîzin; ne tenê wilo jî, destdirêjî biratiya kurd û
Aþûriyan bi xurtî kiriye û li ser “sitema ko kurd li Aþûriyan dikin”li gor
gotinên ko jê tê xwestin camêr dipeyive!! , ji me re nebêjin ev nimûna we
jî dikeve warê {pênûsa birakujiyê}!!? Na lê me weke nimûne ev got çimkî dema
nivîskarekî welatparêz evê peyva evî xwefiroþê han bixwîne bivênevê wê
tengav bibe, û çi tiþt bê ber devê wî wê bibêje …?lewre me ev gotar weke
bangekê nivîsand da em birayên xwe yên nivîskar li evan pilanan hay
bikim.ewê ko dihêlin berê xwe ji kêþeya miletê xwe bide alî û berê pênûsa
xwe bide evî xwefiroþê han yê rêjîmên dagîrker bi hezaran dolar dide da ko
yekî wisan peyda bike ….
Vêca gelî nivîskarên hêja :ji me tevan tê xwestin ko em dilê dijmin û
xwefiroþan geþ nekin, û bera a wan li me neyê , em tev bi dozekê ve girêdayî
ne. berê pênûsên xwe bidin xebatê , li xwefiroþan tucarî venegerînin ,
heger ev nexweþiya han zû bi zû ji nav me neyê hilanîn , emê herdem
þikestiyê evê qonaxê bimînin…
Banga me a dawî ji rojname, kovar , belavok û malperên kurdî re ye , em bi
hêvî ne ko ev gotarên wisan jehrkirî rûpelên weþanên we gemar nekin û divê
hayê we ji xwefiroþan hebe…?

Yekîtiya Nivîskarên serbixwe
Qamiþlo
14/1/2003

Tevgera kurdî protesto dike .

efrin.net 2003/01/20

Di dîroka 29 / 01 / 03 roja çarşemê û li paytextê BELCÎKA Broksêl

Rêxistinên tevgera kurdî ya sûrî li ewrupa û bi tevlêbûna demuqrat û kurdperweran derdikevin xwepêşindanekê ji bo çareserkirina pirsa kurdî li sûriyê û Bi sedema ev girtinên ku li vê dawiyê li sûriyê di dermafê herdu xebatkarên kurd Merwan osman û Hesen salêh û ji bo serbestberdana wan û girtiyên me kurd yên din bi taybetî û yên siysî bi tevayî ên di hudirê zîndanên sûriyê de.
 

Merwan osman û hesen salêh hatin dadgehkirin.
 

efrin.net 18,01,2003

li paytexta sûryê Şamê li pêş dadgeha leşkerî ( almahkema aleskeriye ) îro herdu endamên komîteya siyasî ya partiya YEKÎTÎ a kurd li sûryê berêz Merwan osman û hesen salêh hatin dadgehkirin

Hêjay gutinê ye ku em bêjin li pêş ( almahkema aleskeriye ) herdu berêzan di gotina xwe de gotiye _ me mafekî xwe yê gelemperî û destûrî bi rengekî aştîxwaz bi dest xistiye me xwastiye hebûna miletekî di destûra welêt de were bi cî kirin, ku ew gelê dudiyê ye di hundir sûryê de û me xwastiye wekheviyeke di danûstandinê de bi gelê kurd re wek gelê ereb hebe.

Pêwîste em bêjin ku herdu berêz piştî sê rojan ji

xwepêşdana bi salvegeriya roja cîhanî a mafê mirovan di dîroka 10 / 12 / 2002 hatin girtin.
 

Ji bo raya giştî,
 

8’ê Çileya Paşîn, li Diyarbekirê qezayeke balafirê pêk hat . Di qezayê de 75 kes jîyanê xwe ji dest dan û 5 kes jî birîndar bûn.

Platforma Kurdên Ewrûpayê serwxeşîyê xwe yên xemgîn pêşkeşî malbata kesên, ku encamee qezayê de jîyana xwe ji dest dane, dikin û şîfa ji bo birîndaran dixwazin.

Li seranserê Tirkiye û Kurdistana Tirkiye rêwîtîya bi balafir perçeyek ji jîyana xelqê bûye. Her roj bi hezaran mirov rêya balafirê bikar tînin. Lê mixabin, rastîya Tirkiyeyê, piştî qezaya li Diyarbekirê bi awayeke vekirî careke din derket holê. Balafirgeha Diyarbekirê tevî 16 balafirgehên din yên ku li bajarên Kurdistanê de hene, ji aletên pêwîst yên modern ku di rewşa hewayên xirab de alîkarîya pîlotan dike, mahrûm in. Sebebê esasî ya qezaya dawî jî, ew bûye. Piştî lêkolînan hate holê ku aletên wisa di piranîya balafirgehên bajarên rojavaya Tirkiye de hene lê li bajarên kurdan tune ye. Ev rastîya rûyê dewleta Tirkiye û nêrîna wan ya derheq heremên Kurdistanê, radixîne ber çavan.

Em hêvî dikin ku qezayên wiha careke din neye serê mirovên me. Hêvîdar in malbat û dostên yên mayî bi sebir vê êşa xwe ya giran derbas bikin.

PLATFORM - Platforma Kurdên Ewrûpayê
(DEM-KURD, PNK-Bakur, İnsiyatîf)

2003‏‏-‏01‏‏-‏10‏

Navnîşana Pêwendîyê:
FKKS - Kurdiska Riksförbundet
Box 5013, 131 05 Nacka - SWEDEN
Telefon: 0046-8-644 66 22, fax: 0046-8-6502120
info@kurdiskarf.org
 

Bo Birêz Serokê Partî Demokratî Kurdistan Kek Mesud Barzanî,
Bo Birêz Sekreterê Giştîyê Yekêtîy Niştimanî Kurdistan Kek Celal Talaban
 

Serokên birêz,

Weke hemû kurdên li dinyayê, ew kesên ku li jêrê ev daxuyanî îmza kirine, li ser lihevkirina we ya bi Peymana Waşingtonê gelek kêfxweş û dilşad bûn. Ev pêngava dîrokî, ji alîyek ve bû bersiva hêz û dewletên ku dixwazin gelê kurd ji holê rakin, ji alîyê din ve bo dostên kurdan bû mesajeke dostî û dilgermîyê. Helbet ya herî girîng, manewîyat û jixwebawerbûna civaka kurdan bi hêz kir. Vê yekê bi fidakarîya we rû da.

Em bawer in ku ev lihevkirina we dê bibe bingehê merhelayeke bilindtir û bibe bingehê çareserkirina hemû pirsgirekên Kurdistana Başûr. Hûn jî dizanin ku ev jî bi bernameyeke hevpar û netewî dibe.

Wekî hemû miletan, miletê kurd jî mafê xwe yê çarenivîsê heye û layiqê demokrasî, hiqûq û mafên mirovan e. Gelê kurd dikare bi van deskeftîyan, bi nasname û nirxên xwe yên netewî, li dinyaya global û demokratîk cî bistine.

Serokênbirêz,

Tecrube û pêvajoya van çend salên borî da xuyakirin ku ger aramî û azadî hebe, gelê kurd dikare welatê xwe birêve bibe, pirsgirekên xwe yên civakî, aborî û sîyasî çareser bike. Ev bîr û ditîn roj bi roj ji alîyê gelek hêz û dewletan ve tên pejirandin ku ev yek ji bo gelê kurd serbilindî ye.

Ji alîyê din ve, mixabin hinek dewlet, bi taybetî dewleta Tirk, li hember lihevkirina we û xasima piştî yekkirina Parlamentoya Kurdistanê û pêkhatina aramî û aşîtîya navxweyî, dest bi gef û tehdîdan kiriye. Herwekî we jî gelek caran gotiye, bi gef û tehdîdan, bi zordestî û çavsorî kes bi serneketîye û sernakeve jî. Miletê kurd jî li ber van gef û tehdîdan xwe paş ve nakşîne, gelê kurd dê maf û deskeftîyên xwe biparêze. Gelek eşkere ye ku miletê kurd ji bo çu hêz û dewletan nebûye tehdîd û ji îro şûn de jî nabe. Jixwe dem dema demokrasî û peywendîyan e, ne dema binpêkirina maf û hiquqê ye.

Serokên birêz,

Em bangî hemû hêz û partîyên Kurdistanê dikin ku bala xwe bidin şert û mercên îro û polîtîkaya reel a dinyayê. Dîsa em dibêjin mafê tu hêzekê tun e ku weke teref mudaxeleyê kar û barên Dewleta Federala Kurdistanê bike. Li hember tehdîd û zordestîyê, hêza herî girîng û bingehîn, ji bo maf û hiquqa xwe hîşyari û tevgera gel e.

Serokên birêz,

Ji bo parastina Dewleta Federala Kurdistanê, ji bo parastina hemû deskeftîyên netewî, em piştgirîya we dikin û we pîroz dikin. Serketina we, serketina gelê Kurd e.

Bi silavên dostî..

M. Emin Bozarslan (nivîskar), Mahmut Kilinç (nivîskar, endamê berê a Parlamena Tirkîye), Necdet Buldan (nivîskar, Seroke berê a Beledîyeyê Geverê), Munzur Çem (nivîskar), Eskerê Boyîk (şaîr), Malmisanîj (nivîskar), Şivan Perwer (hunermend), Yilmaz Çamlibel (nivîskar), Fettah Timar (mamoste, Serokê KOMKAR), Zerdeşt Haco (nivîskar, Serokê Pena KURD), Keya İzol (Serokê Federasyona Komelên Kurdistan li Swêd), Husen Hebeş (şaîr), Haşîm Saydam (wênekêş), Feyyaz Ekmen (mamoste), Cankurd (nivîskar), Dilbixwin Dara (nivîskar), Şükrü Güler (pizîşk), Nazif Telek (nivîskar), Nuh Ateş (nivîskar), Kazim Özdemir (mamoste), Ahmed Zemdji (pizîşk), Fatê (hunermend), Necmeddin Baker (Wênekeş), Hêmen Kurdaxi (şaîr), Elî Cafer (nivîskar), Cuma Dawoud (nivîskar), Ekrem Kêro (hunermend), M. Ehmed (nivîskar), Keça Kurd (nivîskar), Abdilmecid Şêxo (nivîskar), Haydar Ömer (nivîskar), Nezîr Pola (şaîr), Dr. Kamêran Bêkes (nivîskar), Enyat Diko (wênekêş), Xelil Emre (mamoste), Hüseyin Erk (mamoste), Ednan Kaya (mamoste), Celal Erdoğan (rejisör), Dimokrat Taha (hunermend), Ilhan Kizilhan (mamoste li Zankoya Konstanz), Xiyaseddin Zaroj Stêrk (mamoste), Akram Naasan (pizîşk), Mahmut Gergeri (mamoste), Sertip Onat (muhendis), Cemşid Haco (Muhendis), Brîndar (hunermend), Riza Çolpan (nivîskar), Zeynelabidin Zinar (nivîskar), Cahit Kaplan (mamoste, dîrokzan), Gohdarz Hajo (pizîşk), Ömer Tuku (mamoste), Mesut Bayram (mamoste), Evin Khalil (hunermend), Bedirxan Epözdemir (mamoste), Ibrahim Guneş (pizîşk), Osman Aydin (hiquqnas), Ahmet Akbaş (mamoste), Zeki Öztürk (hiquqnas), Dilşad Ahmadi (pizîşk), Huseyin Bektaş (pizîşk), Çetin Taşçi (hiquqnas), Siddik Unus (pizîşk), Ehmed C. Çamlibel (nivîskar), Ali Cahit Kirac (nivîskar), Talal Suleman (wênekeş), Firat Cewheri (nivîskar), Newroz Saidpour (nivîskar), Bedil (hunermend), Hasan Yildiz (nivîskar), Gul Acar (pizîşk), D. Izoli (nivîskar), Baran (hunermend), Rêzan Kaya (hunermend), Kemal Tolan (nivîskar, mamoste), Kamal Sido (nivîskar, diroknas), Fikret Yildiz (pizîşk), Hesen Şetevi (pizîşk), Gulistan Saribaş (pizîşk), Osman Kizilkan (pizîşk), Cemal Xeznedar (nivîskar), Xelil Cindi (nivîskar, mamosteyê Zanko), Şükrü Gulmuş (nivîskar), Zurab Aloian (mamosteyê Zankoya Bremen), Rassoul Faki (pizîşk), Omar Simo (pizîşk), Ihsan Aydin (nivîskar), Kamiran Derweş (pizîşk), Sêvê Izolî (hiquqnas), Maruf Yimas (nivîskar), Mete Tekin (mamoste), Celal Avci (mamoste), Mahmut Aydin (mamoste), Hamit Gevheri (nivîskar), Mustafa Aydogan (nivîskar), Bûbê Eser (nivîskar), Laleş Qaso (nivîskar), Vildan Tanrikulu (mamoste), Şahin Sorekli (nivîskar), Ali Tuku (mamoste), Huseyin Şahin (mamoste), Mukaddes Şahin (nivîskar), Muzaffer Özgür (mamoste), Abdul-Rahman Kejo (pizîşk), Ali Beltir (mamoste), Mehmet Dehsivar (nivîskar), Sedat Karakaş (hunermend), Serhat Bucak (hiquqnas), Çeko (nivîskar), Mustafa Birden (mamoste), Seyidxan Kurij (nivîskar), Loqman Polat (nivîskar), Saleh Djato (hiquqnas), Pîr Xidir Silêman (nivîskar), Macide Çamlibel (mamoste), Hoşeng Sabri (Dermannas), Ziya Acar (hiquqnas), Bilge Acar (wênekêş), Selahattin Çelik (nivîskar), Kamuran Kiki (hiquqnas). Şêrin Perwer (hunermend ), Muchtar Mohamed ( pizişk ) Cuma Yakut (hiquqnas )
 

Mesûd Barzanî ji ya xwe danakeve
 

ARIF ZÊREVAN
STOCKHOLM, 3/1 2003 — Serokê Partiya Demokrat ya Kurdistanê Mesûd Barzanî ji ya xwe danakeve û ji serokwezîrê Tirkiyeyê Abdullah Gul kêmtir kesê qebûl nake ko pê re rûne. Mesûd Barzanî meha borî serdana xwe ya Tirkiyeyê ji ber nexweşiya xwe ya sermayê texîr kiribû û hesab ew bû ko Mesûd Barzanî duşema bêt li Tirkiyeyê be.
Serokwezîrê Tirkiyeyê Abdullah Gul jî dê van rojan dest bi serdaneka çend welatên Rojhilata-nêvê bike û Îranê îro ji Abdullah Gul re diyar kir ko ew dikare roja duşemê biçe Îranê.

Li gor agahdariyên berpirsê têkiliyên derve yê Partiya Demokrat ya Kurdistanê Hişyar Zêbarî, serokê PDK-ê Mesûd Barzanî qebûl nake bi kesekê ji serokwezîr kêmtir yê Tirkiyeyê re rûne û lewra çûna Mesûd Barzanî çend rojekê hatiye paş ve dan. Hişyar Zêbarî tekîd dike ko serdan dê di hefteya bêt de pêk bêt lê belê hê jî roj ne diyar e.

Mesûd Barzanî berê jî di gera xwe ya Îranê de digel serokkomarê Îranê Muhemmed Xatemî û di gera xwe ya Sûriyeyê de jî digel serokkomarê Sûriyeyê Beşar el-Esed rûniştibû û qedrekê giran jê re hatibû girtin. Herwiha li Brîtanyayê jî serokwezîrê Brîtanyayê Tony Blair digel Mesûd Barzanî û Celal Talebanî rûniştibû.

2003-01-03 21:58
 

Rêzdar Ebdilbaqî Yûsif, Sekreterê Partiya Yekîtî ya Kurd!
Hevalên hêja, endamên Komîta Navendî ya Partiya Yekîtî!
 

Di demeke ku cîhana me ya îroyîn bi bîrdozên demokrat û mafên mirov û miletan şanaz û serbilind e; di demeke ku li seranserî cîhanê gavên xurt berve guhertin û pêşketina di warê azadî, demokratî û wekheviyê de têne avêtin; di serdemeke ku bi azadî û mafan hatiye sertackirin û binavkirin hîn li Sûriyê – mixabin – rewş her weke berê ye: Hîn ji sedî 10 ji miletê Kurd li Sûriyê bê nasname ye, bê seretayîtirîn mafên mirov e; hîn hebûna Kurdan, ku li Sûriyê gelê diduyê ye – weke mirov jî, netewe jî – ji aliyê desthilata Sûriyê ya “welatparêz” de ne hatiye pejirandin.

Belê, hîn Kurd bi tevahî li Sûriyê, li ser xaka bav û kalên xwe, têne hingavtin û bi hemû awayan hewla pişaftina wan, erebkirina wan tête kirin.

Li hember berdewamiya siyaseteke weha şovenî û nijadperestiyê de, helbet, mafê gelê Kurd e ku bi hemû awa û derfetan hebûna xwe, kesayetiya xwe ya taybet û serbixwe, berjewendiyên xwe û paşeroja xwe biparêze û xwedî lê der keve. Di vî warî de jî xwepêşandana Kurdan, ya ku ji aliyê we de, roja 10.12-an li pêş Perlemana Sûriyê hati bû amadekirin, yek ji alavên herî rewa, aştiyane, demokrat û destûrdayî ye. Helbet ji mafê gelê kurd de jî, ku di xebata xwe ya netewî-demokrat de, hertim alavên weha bikar bîne.

Hêvî ew e ku kar û çalakiyên weha hertim û hîn bi awayekî firehtir, ji aliyê Tevgera Kurd li Sûriyê de berdewam bêkrin, da ku rojekê zûtir em jî, weke hemû miletên cîhanê li ser xaka bav û kalên xwe azad û serbest bijîn.

Ji aliyekî din ve em we HEVKARÎ girtina herdu rêzdaran, Merwan Osman û Hesen Salêh ji aliyê destlata şoven de rûreş dikin. Ev gava çavsor, bê guman, xuya û aşkere dike ku destlata sûrî hîn dixwaze xwe dûrî hemû guhartinan bigre, yên ku li seranserî cîhanê roj bi roj di rajeya (xizmeta) maf û azadiyan de diqewimin, û bi serhişkî bervedêriya bîrdozên xwe yên zingarî û kufikî bike. Lê Bila şoven û nijadperest baş bizanibin, ku tu hêz û şiyan nikare miletekî, ku amade ye her tiştekî ji bo azadî û serbestiya xwe bike qurban, heta bi heta bindest û bêmaf bihêle. Roja azadî û serbestiya miletan bi bêjingên dagirkeran ên kufikî nayê girtin.

HEVKARÎ

28.12.2002